from Chaucer’s Yeoman’s prologue

Ther is also ful many another thyng
That is unto oure craft apertenyng.
Though I by ordre hem nat reherce kan,
By cause that I am a lewed man,
Yet wol I telle hem as they come to mynde,
Thogh I ne kan nat sette hem in hir kynde:
As boole armonyak, verdegrees, boras,
And sondry vessels maad of erthe and glas,
Oure urynales and oure descensories,
Violes, crosletz, and sublymatories,
Cucurbites and alambikes eek,
And othere swiche, deere ynough a leek.
Nat nedeth it for to reherce hem alle,–
Watres rubyfiyng, and boles galle,
Arsenyk, sal armonyak, and brymstoon;
And herbes koude I telle eek many oon,
As egremyne, valerian, and lunarie,
And othere swich, if that me liste tarie;
Oure lampes brennyng bothe nyght and daye,
To brynge aboute oure purpos, if we may;
Oure fourneys eek of calcinacioun,
And of watres albificacioun;
Unslekked lym, chalk, and gleyre of an ey,
Poudres diverse, asshes, donge, pisse, and cley,
Cered pokkets, sal peter, vitriole,
And diverse fires maad of wode and cole;
Sal tartre, alkaly, and sal preparat,
And combust materes and coagulat;
Cley maad with hors or mannes heer, and oille
Of tartre, alum gas, berme, wort, and argoille,
Resalgar, and oure materes encorporyng,
And of oure silver citrinacioun,
Oure cementyng and fermentacioun,
Oure yngottes, testes, and many mo.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s


%d bloggers like this: